சதமடித்த ரூடி

என்ன இந்தப் படத்தைப் பார்த்ததும் யார் இவரென யோசனையா? அடிக்கடி இவரது சைகைகளை அடிக்கடி பார்த்திருப்பீர்களே...இவர்தான் தென்னாபிரிக்காவை சேர்ந்த சாதனை நடுவர் ரூடி கர்ட்சன் (Rudi Koertzen)

நேற்று லார்ட்சில் ஆரம்பமான அவுஸ்ரேலிய,இங்கிலாந்து அணிகளுக்கிடையிலான டெஸ்ட் போட்டியில் நடுவராக பணியாற்றி சாதனை புரிந்துள்ளார். இது ரூடி நடுவராகப் பணியாற்றும் 100ஆவது டெஸ்ட் போட்டி. இவர் 1992ஆம் ஆண்டு இந்திய,தென்னாபிரிக்க அணிகளுக்கிடையில் நடைபெற்ற போட்டியில் நடுவராக அறிமுகமானார்.

கடந்த வாரம் 200 ஒரு நாள் சர்வதேச போட்டிகளில்நடுவராக பணியாற்றிய முதல் நடுவர் என்ற சாதனையை புரிந்த ரூடி,நேற்று ஸ்டீவ் பக்னருக்கு பின்100 டெஸ்ட் போட்டிகளில் நடுவராகப் பணியாற்றி இந்த சாதனையை நிகழ்த்தினார்.

60 வயதைக் கடந்துள்ள ரூடி இன்னும் பல போட்டிகளுக்கு நடுவராகப் பணியாற்றி சாதனை படைப்பார் என்பது எனது கருத்து.

சதமடித்த 'ரூடி'க்கு வாழ்த்துக்கள்...