செரீனாவிடம் பணிந்தார் வீனஸ்

கிராண்ட்ஸ்லாம் போட்டிகளில் முதன்மையான விம்பிள்டன் போட்டிகள் கடந்த மாதம் 22ஆம் திகதி ஆரம்பமானது. நாளையுடன் போட்டிகள் நிறைவுபெறவுள்ளன.

இன்று நடைபெற்ற மகளிர் இறுதிப் போட்டியில் நடப்பு சம்பியனும் தனது மூத்த சகோதரியுமான வீனசை எதிர்கொண்டார் செரீனா. அதில் 7-6,6-2 என்ற நேர் செட்களில் வெற்றி பெற்று,சம்பியன் பட்டத்தைப் பெற்றார். இதற்கு முன்னர் 2002,2003 ஆம் ஆண்டுகளில் இப் பட்டத்தை வென்றுள்ளார் செரீனா.இது இவரது பதினோராவது கிராண்ட்ஸ்லாம் (விம்பிள்டன்-3,ஆஸி-4,பிரெஞ்ச்-1,யு.எஸ்-3) பட்டம்.

கடந்த ஆண்டும் இவர்களே இறுதிப் போட்டியில் மோதினர். ஆனால் தங்கை செரீனா தோல்வியைத் தழுவினார். இப் பட்டத்தை ஏற்கெனவே 5 முறை வென்றுள்ள வீனஸ் இம்முறையும் வெல்வதன் மூலம் பில்லி ஜீன் கிங்கின் சாதனையை சமன் செய்ய இருந்தார். எனினும் தங்கையின் அபாரமான ஆட்டத்தால் அக்காவின் சாதனைக் கனவு கலைந்தது.

எது எப்படியோ வில்லியம்ஸ் குடும்பம் வசம் விம்பிள்டன்....

வாழ்த்துக்கள் சகோதரிகளே.................