கங்குலிக்கு இன்று பிறந்த நாள்

இந்தியாவின் தலை சிறந்த கிரிக்கெட் அணித் தலைவர் என்று வர்ணிக்கப்படும் சௌரவ் கங்குலி இன்று தனது 37ஆவது பிறந்த நாளைக் கொண்டாடுகிறார்.

1992 இல் சர்வதேச கிரிக்கெட்டில் அறிமுகமான இவர் 113 டெஸ்ட் போட்டிகளில் 7212 ஓட்டங்களைப் பெற்றுள்ளார். இதில் 16 சதங்கள்,35அரைச்சதங்கள். 311 ஒரு நாள் சர்வதேச போட்டிகளில் 11363 ஓட்டங்களைப் பெற்றுள்ளார். இதில் 22 சதங்கள்,72அரைச் சதங்கள். ஒரு நாள் சர்வதேச போட்டிகளில் 11000 ஓட்டங்களைப் பெற்றவர்கள் வரிசையில் 5ஆவது வீரராக உள்ளார்.

பல்வேறு தொடர்களிலும் அணியை சிறப்பாக வழி நடத்திய சிறந்த தலைவன்.

இன்றைய தினத்தில் அவர் ஒரு புதிய திட்டத்திற்கான முயற்சிகளை மேற்கொள்ளவிருக்கிறார். வங்காள கிரிக்கெட் சங்கத்தின் தலைவர் பதவிக்கு கங்குலி போட்டியிடலாம். மேலும் "கொல்கட்டா இளவரசன்' என்று செல்லமாக அழைக்கப்படும் கங்குலி இந்திய கிரிக்கெட் கட்டுப்பாட்டு சபையின் தலைவர் பதவிக்கும் பரிந்துரை செய்யும் முயற்சிகளும் நடைபெறுகிறது.

கிரிக்கெட் வர்ணனையாளர், பயிற்சியாளர், கிரிக்கெட் சபைத் தலைவர்.... இதில் கங்குலியின் 2ஆவது இன்னிங்ஸ் எதில் அசத்தலாக இருக்கும்? கங்குலியே தீர்மானிக்கட்டும்.............